Ամանորը փոքրիկների համար հրաշքների իրագործմանը սպասելու ամենալավ ժամանակահատվածն է: Հավատը երեխային հնարավորություն է տալիս ակտիվ երազել, լավատեսորեն սպասել մի բանի, որը խորհրդավոր է ու բարի:

Նախաձեռնության նպատակն է հավաքագրել երեխաների ՝ Ձմեռ պապիկին ուղարկած նամակները ու իրագործել դրանք՝ տարբեր կազմակերպությունների աշխատակիցների միավորելով հրաշքների իրականացման այս գործընթացին։ Որքան շատ կազմակերպություններ ու աշխատակիցներ համախմբվեն այս նպատակի շուրջ, այնքան շատ երեխաների երազանքներ կիրականացվեն։ 

2020 թվականին Էվոկաբանկի աշխատակիցների նախաձեռնությամբ Հայաստանի ու Արցախի տարբեր շրջանների խոցելի խմբերի երեխաներ հնարավորություն ստացան զգալ Ամանորի ողջ կախարդանքն ու շունչը։ Հավաքագրվեցին երեխաների նամակներն` ուղղված Ձմեռ պապին, իսկ Էվոկաբանկի աշխատակիցները դարձան երեխաների Ձմեռ պապիկներն ու իրականացրեցին նրանց երազանքները։ 2021 թվականին այս նախաձեռնությանը միացան այլ կազմակերպություններ ու անհատներ, որոնց շնորհիվ ավելի շատ երեխաներ սկսեցին հավատալ Ամանորյա հրաշքին։ 

Տեսնելով նախաձեռնության արդյունքներն ու մեր գործընկեր կազմակերպությունների աճող թիվը՝ այս տարի առավել մեծ ծավալներով ու ընդգրկվածությամբ ենք շարունակում նամակների հավաքագրումը։

Մեզանից յուրաքանչյուրը կարող է Ամանորի շունչ ու ջերմություն տարածողը լինել, մենք կարո՛ղ ենք մի փոքրիկ ներդրմամբ լուսավոր ապագայի հավատք տարածել՝ դառնալով երեխաների անհոգ ու երջանիկ ժպիտների պատճառը։     

Մեր թիմը ՝ 

Ալլա

Անահիտ՝ 

Շահանե ՝

Անուշիկ ՝ 

Իսկ քո՛ կազմակերպությունը արդեն միացե՞լ է նախաձեռնությանը։

Այս նախագիծն աջակցում է`

Կայուն Զարգացման Նպատակներին

«Ապագա Հայկանանը» Նպատակներին