Համակարգիչներ մարզերի տաղանդներին
4 համագործակցության առաջարկ
Համագործակցության կարիքներ
Computers
Եվ այսպես, սկսում ենք մարզերի տաղանդավոր երիտասարդների համար համակարգիչների հավաքի չորրորդ փուլը։ Նախորդ 3 փուլերում արդեն իսկ հավաքագրել ու առաքել ենք 30 համակարգիչ։
Նկարագիր
Իսկ գիտե՞ք, թե քանի տաղանդավոր երիտասարդի ենք մենք զրկում սրընթաց աճից և ինչքան օգուտներ չի քաղում մեր տնտեսությունը, երբ այսօր «չենք հիշում» նրանց․․․
Ո՞վ է հաշվել, թե քանի Picsart կամ այլ հայկական Unicorn (1 մլրդ դոլար և ավելի արժեքով տեխնոլոգիական ընկերություններ) ստարտափեր մենք այսօր չունենք զուտ այն պատճառով, որ 10 տարի առաջ համակարգչային տեխնիկայով «չզինեցինք» նման մարզաբնակ տաղանդավոր պատանիներին և երիտասարդներին․․․
Պատանիներին և երիտասարդներին մասնագիտական աճի հիմնական խնդիրներից մեկը համակարգչային տեխնիկայով ապահովվածության ցածր մակարդակն է։ Փորձը ցույց է տալիս, որ բարձր դասարանների լավ սովորող աշակերտների միայն 15-20 տոկոսն է, որ ունի համակարգիչ, իսկ մյուսների մեծ մասը կամ ոչինչ չունի կամ ունի միայն հեռախոս։
2021, 2022 թ-ի վիճակագրությունը հետևյալն է․ ինչպես տեսնում եք, բաժին է հասել բոլոր մարզերին, իսկ տեխնիկա ստացող պատանիների և երիտասարդների մոտ 58.4 տոկոսը անցնում է հեռավար կամ տեղում աշխատանքի՝ այդպիսով օժանդակելով նաև մարզերում և գյուղերում մնալու ժողովրդագրական խնդրի լուծմանը։
Առկա կամ պոտենցիալ գործընկերներ և համագործակցողներ
«ԱՐՄԱԹ» ԻԼ ցանց, «Ուսանողի տուն» ՀԿ, «ՈՄԱ» ՌՀՀԿ, «Իրական դպրոց Վանաձոր», «Զարթնիր» ՀԿ, «Դասավանդիր Հայաստան» նախագիծ, «Բարձունք» ՀԿ, «Կողբ» հիմնադրամ․ մեզ բոլորիս միավորում է ապագայի մասով տեսլականը, նրանք օգնում են պարզել տաղանդավոր երեխաների / երիտասարդների, ներգրավել կամավորական աշխատանքների, գնահատել կարիքներն ու առաջնայնությունները, ինչպես նաև համակարգիչները պահպանելու և փոխադրելու հարցում։ Նշված կառույցների հետ ունենք համագործակցության լայն տիրույթ նաև համակարգիչների ծրագրից դուրս։
Մեզ ոգեշնչում են երեխաների հավատն ու մոտիվացիան, միացի՛ր և դու։
Ինչ համագործակցություն ենք ակնկալում
Բարվոք վիճակում կամ նոր համակարգիչների հավաքագրման պարբերական արշավներ ենք անում մարզերի տաղանդավոր պատան��ների և երիտասարդների համար, որոնց մենք կներկայացնենք ցուցակով։ Ցուցակի հիմքում ընկած են պատանեների և երիտասարդների սոցիալական դրությունը, հետաքրքրությունները, աշխատասիրությունը, ակտիվությունը համայնքային զարգացման և կամավորական աշխատանքներում։ Կլինե՞ս նրանց կողքին։ Դե, գնացինք։
Նոթբուքի նվազագույն պահանջ՝ Intel Core i3, 4gb ram + ssd
Էդիկ Միքայելյան, Վայոց ձորի մարզ, գյուղ Մալիշկա, 15 տարեկան։ Նա ակտիվ կամավոր է տարբեր ՀԿ-ներում։ Հանդիսանում է Learn Time կրթական նախագծի հիմնադիրը։ Հիմնական նպատակն է զարգանալով զարգացնել համայնքը։ Հետաքրքրված է գրաֆիկ դիզայնով, սակայն իր ստեղծագործ մտքերը իրանականացնելու համար նրան անհրաժեշտ է համակարգիչ։
Սվետլանա Մսրյան, Արագածոտնի մարզ, գյուղ Պարտիզակ, 16 տարեկան: Ներկա պահին զբաղվում է կամավորությամբ, իսկ համակարգչի բացակայությունը խանգարում է նոր հմտություններ ձեռք բերելուն: Համակարգիչը մի քանի ծրագրերում միանգամից ներգրավվելու և աշխատանքի հնարավորություն կտա նրան։
Մարիամ Ջավադյան, Սյունիքի մարզ, քաղաք Կապան, 18 տարեկան: Ակտիվ կամավոր է և՛ իր քաղաքում, և՛ ՄԵՄ-ում: Նաև մասնակցում է տարբեր դասընթացների և վեբինարների: Համակարգչի բացակայությունը դանդաղեցնում է նրա աշխատանքը։
Գյուլվարդ Մարգարյան, Շիրակի մարզ, գյուղ Բանդիվան, 17 տարեկան։ Զբաղվում է ակտիվ կամավորությամբ տարբեր ՀԿ-ներում, Արմաթ ինժեներական լաբորատորիայի սան է, համայնքում իրականացնում է տարբեր միջոցառումներ: Նրա գխավոր նպատակը՝ սեփական գործով ամուր հայրենիք ունենալուն նպաստելն է:
Գայանե Բադալյան, Արցախ, Մարտակերտի շրջան, գյուղ Մաղավուզ, 13 տարեկան: ԹՈՒՄՈ-ի սան, հետաքրքրված է և ուսումնասիրում է գրաֆիկ դիզայն, սակայն իր ստեղծագործ մտքերը իրականացնելու համար նրան անհրաժեշտ է համակարգիչ:
Մանանա Հակոբյան, Արցախ, գյուղ Նորշեն: Մի ակտիվ աղջնակ է, 15 տարեկան: Այժմ 10-րդ դասարան, ապագա լրագրող, հետաքրքրված է project management-ով, SMM-ով, հաճախել է սպորտի, ազգագրական պարի՝ մոտ 4 տարի, հաճախում է Արմաթ: Մասնակցել է դպրոցի ավտոմատացման զանգի ծրագրին, գրադարանին կից բացված ժամանցի կենտրոնի նկարազարդմանը։ Լիակատար աշխատանք կատարելու հարցում նրան խանգարում է համակարգչի բացակայությունը։
Լիանա Մադոյան, Շիրակի մարզ, գյուղ Մեղրաշեն, 17 տարեկան: Նրա գլխավոր հետաքրքրությունը գիտություններն են, երազում է ծրագրավորող դառնալու մասին, սակայն հեռախոսով նա չի կարող հասնել իր երազանքին:
Մալվինա Սիմոնյան, Լոռու մարզ, քաղաք Վանաձոր, 16 տարեկան: Նա կամավոր է «Վանաձորի Տեխնոլոգիական Կենտրոնում», նաև հետաքրքրված է մարքեթինգով, սովորում է «Sovorir online»-ում, ապագա ծրագրավորող է, զբաղվում է ինքնակրթությամբ: Նրա գլխավոր նպատակն է զարգանալ և զարգացնել համայնքը:
Մարիամ Քոսյան, Լոռու մարզ, գյուղ Մեծ Պարնի, 17 տարեկան։ «ԱրՄաթ» ԻԼ սան, իր գյուղի ակտիվ երիտասարդներից մեկն է, ով հետաքրքրված է ծրագրավորմամբ: Ինչպես գիտենք, ծրագրավորման ոլորտում առաջ շարժվելու և հաջողությունների հասնելու համար անհրաժեշտ է տեխնիկա, որը Մարիամի մոտ բացակայում է:
«Արի» հակասրճարան, Ջավախք, գյուղ Դամալա: Երեխաներից 16-ամյա Մարիամ Սահակյանը, ամիսներ առաջ մասնակցելով «Awesome Foundation Javakhk»-ի կազմակերպած դրամաշնորհին, հաղթող գաղափար ունեցավ և գյուղում ստեղծեց հակասրճարան երիտասարդների համար: Իսկ այն ունի համակարգչի կարիք։
Նկարագիր
«Մարզերի երեխաները մարզերում» սոցիալ - կրթական ՀԿ է, որի միջոցով մարզերի պատանիները և երիտասարդները այցերով ծանոթանում են Հայաստանի տարածքին, շփվում և ընկերանում իրենց հասակակիցների հետ։ ՀԿ-ի շրջանակներում մարզեցիների համար ստեղծում են նաև բազմոլորտ գիտելիքների, հմտությունների, կապերի ստացման և այլ հնարավորություններ։
Նպատակները․
Կոնտակտային անձ
🤗 Սիրելի՜ գործընկերներ,
ՄԵՄ-ը ակտիվ շարունակում է իր գործունեությունը գլխավոր նպատակի շուրջ՝ ստեղծել հայրենատեր առաջնորդների ապակենտրոն համայնք։
🚀Այժմ «ռեԱրմենիա» համագործակցության հարթակում հանդես ենք գալիս ամսական դրամահավաքով, որտեղ կարող ես գտնել՝
🔸️ինչ է տալիս ՄԵՄ-ը մարզեցի երեխաներին և ինչպես է ապահովում նրանց զարգացումը,
🔸️ինչ արդյունքներ ունենք այսօր,
🔸️ովքեր են միացել մեզ,
🔸️ընթացիկ աշխատանքների թարմացումներ և ֆինանսական հաշվետվություններ,
🔸և վերջապես` ️ինչպես կարող եք օգնել այս կարևորագույն գործում։
Դե ի՜նչ, անցեք հղումով և դարձեք ապագան կառուցող 400 հովանավորից 1-ը։ 💚
Համակարգիչ +-ի 4-րդ փուլը ավարտվեց Բարձունք / Bardzunk ՀԿ-ի հետ համագործակցության շնորհիվ։
Այս անգամ 10 ակտիվ մարզեցիների համակարգիչներ նվիրաբերեց «Բարձունք» ՀԿ-ն՝ հնարավորություն տալով ինքնակրթվել և ձեռնամուխ լինել համայնքների և մարզերի զարգամանը։ Շնորհակալություն վստահության և համագործակցության համար։
Երիտասարդների զարգացումը մեր ձեռքերում է։
Համակարգիչներ մարզերի տաղանդներին
4 համագործակցության առաջարկ
Համագործակցության կարիքներ
Computers